قازاقستان رەسپۋبليكاسى اۋىل شارۋاشىلىعى مينيسترلىگىنىڭ بۇيرىعى  №7-1/370

2015 جىلعى 27 ءساۋىر, استانا قالاسى كەيىننەن وتكىزۋگە ارنالعان اۋىل شارۋاشىلىعى جانۋارلارىن سويۋدى ۇيىمداستىرۋ قاعيدالارىن بەكىتۋ تۋرالى «ۆەتەريناريا تۋرالى» 2002 جىلعى 10 شىلدەدەگى قازاقستان رەسپۋبليكاسى زاڭىنىڭ 8-بابىنىڭ 42) تارماقشاسىنا سايكەس بۇيىرامىن: 1. قوسا بەرىلىپ وتىرعان كەيىننەن وتكىزۋگە ارنالعان اۋىل شارۋاشىلىعى جانۋارلارىن سويۋدى ۇيىمداستىرۋ قاعيدالارى بەكىتىلسىن. 2. قازاقستان رەسپۋبليكاسى اۋىل شارۋاشىلىعى مينيسترلىگىنىڭ ۆەتەريناريا جانە تاماق قاۋىپسىزدىگى دەپارتامەنتى زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىنىڭ مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن; 3) وسى بۇيرىقتىڭ قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن. 3. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. مينيستر ا.مامىتبەكوۆ «كەلىسىلگەن» قازاقستان رەسپۋبليكاسىنىڭ ۇلتتىق ەكونوميكا ءمينيسترى ______________ ە.دوساەۆ 2015 جىلعى 8 ماۋسىم قازاقستان رەسپۋبليكاسى اۋىل شارۋاشىلىعى ءمينيسترىنىڭ 2015 جىلعى 27 ساۋىردەگى № 7-1/370 بۇيرىعىمەن بەكىتىلگەن كەيىننەن وتكىزۋگە ارنالعان اۋىل شارۋاشىلىعى جانۋارلارىن سويۋدى ۇيىمداستىرۋ قاعيدالارى 1. جالپى ەرەجەلەر 1. وسى كەيىننەن وتكىزۋگە ارنالعان اۋىل شارۋاشىلىعى جانۋارلارىن سويۋدى ۇيىمداس­تىرۋ قاعيدالارى (بۇدان ءارى – قاعيدالار) «ۆەتەريناريا تۋرالى» 2002 جىلعى 10 شىلدەدەگى قازاقستان رەسپۋبليكاسى زاڭىنا (بۇدان ءارى – زاڭ) سايكەس ازىرلەندى جانە كەيىننەن وتكىزۋگە ارنالعان اۋىل شارۋاشىلىعى جانۋارلارىن سويۋدى ۇيىمداستىرۋ ءتارتىبىن ايقىندايدى. 2. سويۋ الدىندا اۋىل شارۋاشىلىعى جانۋارلارى سويۋ الدىنداعى ۆەتەريناريالىق قاراپ تەكسەرۋگە جانە ۇشالارى مەن اعزالارىن سويۋدان كەيىنگى ۆەتەريناريالىق-سانيتاريالىق ساراپتاۋعا جاتادى. 3. سويۋدان كەيىنگى ۆەتەريناريالىق قاراپ تەكسەرۋ ناتيجەلەرى بويىنشا ۇشاعا «الدىن الا قاراپ تەكسەرۋ» تاڭباسى قويىلادى. 4. اۋىل شارۋاشىلىعى جانۋارلارىن سويۋ الدىنداعى ۆەتەريناريالىق قاراپ تەكسەرۋ مەن ۇشالار مەن اعزالاردى سويۋدان كەيىن ۆەتەريناريالىق قاراپ تەكسەرۋ ناتيجەلەرىن ۆەتەريناريالىق دارىگەر «ۆەتەريناريالىق ەسەپ پەن ەسەپتىلىك نىساندارىن بەكىتۋ تۋرالى» قازاقستان رەسپۋبليكاسى اۋىل شارۋاشىلىعى ءمينيسترىنىڭ 2014 جىلعى 25 اقپانداعى № 16-07/114 بۇيرىعىنا (نورماتيۆتىك-قۇقىقتىق اكتىلەردى مەملەكەتتىك تىركەۋ تىزىلىمىندە № 9342 بولىپ تىركەلگەن) سايكەس بەكىتىلگەن نىسان بويىنشا, سويىلاتىن جانۋارلاردى قاراپ تەكسەرۋدىڭ جانە سويۋ پۋنكتتەرi (الاڭدارى) مەن ەت كومبيناتتارىندا ەت جانە ەت ونiمدەرiن ۆەتەريناريالىق-سانيتاريالىق ساراپتاۋ ناتيجەلەرiن ەسەپكە الۋى جۋرنالىنا تىركەيدى. 2. كەيىننەن وتكىزۋگە ارنالعان اۋىل شارۋاشىلىعى جانۋارلارىن سويۋدى ۇيىمداستىرۋ ءتارتىبى 5. كەيىننەن وتكىزۋگە ارنالعان اۋىل شارۋاشىلىعى جانۋارلارىن سويۋ زاڭنىڭ 8-بابىنىڭ 46-14) تارماقشاسىنا سايكەس بەكىتىلەتىن ۆەتەريناريالىق-سانيتاريالىق ساراپتاما جۇرگىزۋ قاعيدالارىن (بۇدان ءارى – ۆەتەريناريالىق-سانيتاريالىق ساراپتاما) جانە زاڭنىڭ 8-بابىنىڭ 9) تارماقشاسىنا سايكەس بەكىتىلگەن ۆەتەريناريالىق (ۆەتەريناريالىق-سانيتاريالىق) قاعيدالاردى ساقتاي وتىرىپ, زاڭنىڭ 8-بابىنىڭ 44) تارماقشاسىنا سايكەس بەكىتىلەتىن ۆەتەريناريالىق (ۆەتەريناريالىق-سانيتاريالىق) نورمالارعا جانە زاڭنىڭ 8-بابىنىڭ 46-2) تارماقشاسىنا سايكەس بەكىتىلەتىن جانۋارلاردان الىناتىن ءونىم مەن شيكىزاتتى دايىنداۋدى (جانۋارلاردى سويۋ), ساقتاۋدى, وڭدەۋدى جانە وتكىزۋدى جۇزەگە اسىراتىن ءوندىرىس وبەكتىلەرىنە قويىلاتىن ۆەتەريناريالىق (ۆەتەريناريالىق-سانيتاريالىق) تالاپتارعا (بۇدان ءارى – ۆەتەريناريالىق تالاپتار) سايكەس كەلەتىن سويۋ پۋنكتتەرىندە نەمەسە ەت وڭدەۋ كاسىپورىندارىندا جۇزەگە اسىرىلادى. سونداي-اق ەت وڭدەۋ كاسىپورىندارى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسىنىڭ كودەكسىنىڭ 144-بابىنىڭ 6-تارماعىنا سايكەس بەكىتىلگەن حالىقتىڭ سانيتاريالىق-ەپيدەميولوگيالىق قاۋىپسىزدىگى سالاسىنداعى نورماتيۆتىك قۇقىقتىق اكتىلەرگە سايكەس كەلۋى كەرەك. 6. سويۋ پۋنكتتەرى نەمەسە ەت وڭدەۋ كاسىپورىندارى بولماعان كەزەڭدە اۋىل شارۋاشىلىعى جانۋارلارىن سويۋ جانە جانۋار مەن ونىڭ سويىلعان ءونىمىن ۆەتەريناريالىق قاراپ تەكسەرۋ بەلگىلەنگەن ۆەتەريناريالىق تالاپتارعا سايكەس كەلەتىن سويۋ الاڭدارىندا (اۋىل شارۋاشىلىعى جانۋارلارىن سويۋ الاڭدارىندا) جۇزەگە اسىرىلادى. 7. اۋىل شارۋاشىلىعى جانۋارلارىن سويۋ سويۋ پۋنكتتەرىندە, ەت وڭدەۋ كاسىپورىندارىندا نەمەسە «جانۋارلار ءوسىرۋدى, جانۋارلاردى, جانۋارلاردان الىناتىن ءونىم مەن شيكىزاتتى دايىنداۋدى (سويۋدى), ساقتاۋدى, قايتا وڭدەۋدى جانە وتكىزۋدى جۇزەگە اسىراتىن ءوندىرىس وبەكتىلەرىنە, سونداي-اق ۆەتەريناريالىق پرەپاراتتاردى, جەمشوپ پەن جەمشوپ قوسپالارىن ءوندىرۋ, ساقتاۋ جانە وتكىزۋ جونىندەگى ۇيىمدارعا ەسەپتىك نومىرلەر بەرۋ قاعيدالارىن بەكىتۋ تۋرالى» قازاقستان رەسپۋبليكاسى اۋىل شارۋاشىلىعى ءمينيسترىنىڭ 2015 جىلعى 23 قاڭتارداعى № 7-1/37 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىمىندە № 10466 بولىپ تىركەلگەن) بەكىتىلگەن جانۋارلار ءوسىرۋدى, جانۋارلاردى, جانۋارلاردان الىناتىن ءونىم مەن شيكىزاتتى دايىنداۋدى (سويۋدى), ساقتاۋدى, قايتا وڭدەۋدى جانە وتكىزۋدى جۇزەگە اسىراتىن ءوندىرىس وبەكتىلەرىنە ەسەپتىك نومىرلەر بەرۋ قاعيدالارىنا سايكەس بەرىلەتىن ەسەپتىك نومىرلەرى بار سويۋ الاڭدارىندا (اۋىل شارۋاشىلىعى جانۋارلارىن سويۋ الاڭدارىندا) جۇزەگە اسىرىلادى. 8. جانۋارلاردى سويۋ الاڭدارىندا (اۋىل شارۋاشىلىعى جانۋارلارىن سويۋ الاڭدارىن­دا) سويعان كەزدە ۆەتەريناريالىق دارىگەر: اۋىل شارۋاشىلىعى جانۋارىندا جەكە ءنومىرىنىڭ, ۆەتەريناريالىق پاسپورتىنىڭ جانە اۋىل شارۋاشىلىعى جانۋارلارىن بىردەيلەندىرۋ جونىندەگى دەرەكقوردا نەمەسە ودان الىنعان ءۇزىندى-كوشىرمەدە وتكىزىلگەن ۆەتەريناريالىق-پروفيلاكتيكالىق ءىس-شارالار مەن دياگنوستيكالىق زەرتتەۋلەر تۋرالى مالىمەتتەردىڭ بولۋىن تەكسەرۋدى; ۆەتەريناريالىق قاعيدالارعا سايكەس اۋىل شارۋاشىلىعى جانۋارلارىن سويۋ الدىندا ۆەتەريناريالىق قاراپ تەكسەرۋدى جانە ۇشالار مەن ىشكى اعزالاردى سويۋدان كەيىن قاراپ تەكسەرۋدى, ۇشالاردى تاڭبالاۋدى جۇرگىزەدى. اۋىل شارۋاشىلىعى جانۋارلارىن سويۋ الاڭدارىندا (اۋىل شارۋاشىلىعى جانۋارلارىن سويۋ الاڭدارىندا) سويعان كەزدە ۇشاسى زاڭنىڭ 8-بابىنىڭ 46-4) تارماقشاسىنا سايكەس بەكىتىلەتىن ۆەتەريناريالىق قۇجاتتاردى بەرۋ قاعيدالارىنا (بۇدان ءارى - ۆەتەريناريالىق قۇجاتتاردى بەرۋ قاعيدالارى) جانە ولاردىڭ بلانكىلەرىنە قويىلاتىن تالاپتارعا سايكەس جانۋارلاردىڭ, جانۋارلاردان الىناتىن ونىمدەر مەن شيكىزاتتىڭ ۆەتەريناريالىق نورماتيۆتەرگە سايكەستىگىن انىقتاۋ جونىندەگى وندىرىستىك باقىلاۋ بولىمشەسىنىڭ اتتەستاتتالعان ۆەتەريناريالىق دارىگەرى نەمەسە جەرگىلىكتى اتقارۋشى ورگان قۇرعان مەملەكەتتىك ۆەتەريناريالىق ۇيىمداردىڭ ۆەتەريناريا سالاسىنداعى مامانى بەرگەن, جانۋاردى سويۋ الدىندا ۆەتەريناريالىق قاراپ تەكسەرۋ جانە ۇشالار مەن اعزالاردى سويۋدان كەيىن ۆەتەريناريالىق قاراپ تەكسەرۋ ناتيجەلەرى كورسەتىلگەن ءتيىستى اكىمشىلىك-اۋماقتىق بىرلىك اۋماعىنىڭ سالاۋاتتىلىعى تۋرالى ۆەتەريناريالىق انىقتامامەن بىرگە جۇرەدى. اۋىل شارۋاشىلىعى جانۋارلارىن سويۋ الاڭىندا (اۋىل شارۋاشىلىعى جانۋارلارىن سويۋ الاڭىندا) سويۋ ناتيجەسىندە الىنعان ۇشالار مەن اعزالار وتكىزۋدىڭ الدىندا ۆەتەريناريالىق-سانيتاريالىق ساراپتامادان وتەدى. 9. سويۋ پۋنكتتەرىندە نەمەسە ەت وڭدەۋ كاسىپورىندارىندا سويعان كەزدە ۆەتەريناريالىق-سانيتاريالىق ساراپتاما زەرتحاناسىنىڭ نەمەسە وندىرىستىك باقىلاۋ بولىمشەسىنىڭ ۆەتەريناريالىق دارىگەرى: اۋىل شارۋاشىلىعى جانۋارىندا جەكە ءنومىرىنىڭ, ۆەتەريناريالىق پاسپورتتىڭ جانە اۋىل شارۋاشىلىعى جانۋارلارىن بىردەيلەندىرۋ جونىندەگى دەرەكقوردا نەمەسە ودان الىنعان ءۇزىندى-كوشىرمەدە وتكىزىلگەن ۆەتەريناريالىق-پروفيلاكتيكالىق ءىس-شارالار مەن دياگنوستيكالىق زەرتتەۋلەر تۋرالى مالىمەتتەردىڭ بولۋىن تەكسەرۋدى; ۆەتەريناريالىق قاعيدالارعا جانە «ساراپتاما اكتىسىن (سىناق حاتتاماسىن) بەرۋ قاعيدالارىن بەكىتۋ تۋرالى» قازاقستان رەسپۋبليكاسى اۋىل شارۋاشىلىعى ءمينيسترىنىڭ 2015 جىلعى 16 قاڭتارداعى № 7-1/19 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىمىندە № 10410 بولىپ تىركەلگەن) بەكىتىلگەن ساراپتاما اكتىسىن بەرۋ قاعيدالارىنا (سىناق حاتتاماسى) سايكەس جانۋاردى سويۋ الدىندا ۆەتەريناريالىق قاراپ تەكسەرۋدى جانە ۇشالار مەن ىشكى اعزالاردى سويۋدان كەيىن ۆەتەريناريالىق-سانيتاريالىق ساراپتاۋدى, ساراپتاما اكتىسىن (سىناق حاتتاماسىن) بەرۋدى, ۇشالاردى تاڭبالاۋدى جۇرگىزەدى. اۋىل شارۋاشىلىعى جانۋارلارىن سويۋ پۋنكتتەرىندە نەمەسە ەت وڭدەۋ كاسىپورىندارىندا سويعان كەزدە ۇشاسى ۆەتەريناريالىق-سانيتاريالىق ساراپتاما زەرتحاناسىنىڭ نەمەسە وندىرىستىك باقىلاۋ بولىمشەسىنىڭ ساراپتاما اكتىسى (سىناق حاتتاماسى) نەگىزىندە ۆەتەريناريالىق قۇجاتتاردى بەرۋ قاعيدالارىنا سايكەس بەرىلگەن ۆەتەريناريالىق انىقتامامەن بىرگە جۇرەدى. ۆەتەريناريالىق انىقتامادا ساراپتاما اكتىسىڭ (سىناق حاتتاماسىنىڭ) بەرىلگەن كۇنى مەن ءنومىرى كورسەتىلەدى. 10. جانۋارلاردان الىناتىن ونىمدەر (ەت جانە ەت ونىمدەرى) مەن شيكىزاتتى ىشكى ساۋدا وبەكتىلەرىندە وتكىزۋگە اۋىل شارۋاشىلىعى جانۋارىنىڭ وسى قاعيدالاردىڭ تالاپتارىنا سايكەس سويىلعاندىعىن راستايتىن ۆەتەريناريالىق قۇجاتتار بولعان كەزدە عانا جول بەرىلەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 8 شىلدەدە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11591 بولىپ ەنگىزىلدى.